“Arsenal” klubi bosh murabbiyi Arsen Venger “Bernli”ga (2:1) qarshi kechgan o'yindagi keskin hatti-harakatlari uchun to'rtta o'yinga diskvalifikatsiya qilindi. Murabbiy uchrashuvning 92-daqiqasida o'z jamoasi darvozasi tomon belgilangan penaltiga qarshilik qilib, natijada Venger maydondan chetlatilgandi. Sal turib, tribuna osti xonalariga kirib ketarkan murabbiy zaxira hakami Entoni Teylorni turtib yuborgandi. Shu tariqa, frantsiyalik mutaxassis “Sautgempton”ga qarshi Angliya kubogi, shuningdek “Uotford”, “Chelsi” hamda “Xall”ga qarshi APL o'yinlarini o'tkazib yuboradi. Bundan tashqari, Venger 25 ming funtga jarimaga tortildi.
— deya xabar beradi uff.uz nashri.