Bugun “Bunyodkor” akademiyasi maydonida “Navbahor” futbolchilari Toshkent yig'inidagi navbatdagi nazorat uchrashuvini o'tkazishdi. Bir necha daqiqa oldin yakuniga etgan uchrashuvda jamoamizga “Bunyodkor” klubining asosiy va yoshlar tarkib a'zolaridan tashkil topgan jamoa raqiblik qildi. Uchrashuvning birinchi bo'limi yakunlanishi arafasida hisob ochildi. Hasanboy Ergashev raqib posboni tomonidan qaytarilgan to'pni darvozaga yo'llab, “lochinlar”ni oldinga olib chiqdi. Tanaffusdan keyin “Navbahor” ikkinchi golni ham urishga erishishdi. Ro'zimboy Ahmedov “Bunyodkor” posboni bilan yakkama-yakka vaziyatda yakuniy zarbani berishda xatoga yo'l qo'ymadi. Uchrashuv yakuniga qadar boshqa gol kuzatilmadi va “Navbahor” 2:0 hisobida g'alaba qozondi. Jamoamiz uchrashuvni quyidagi tarkibda o'tkazdi: Asilbek Omonov, G'iyos Komilov, Hasanboy Ergashev, Alisher Samatov, Jahongir Mehmonov, A'zam Aliev, Dilshod Jabborov, Azizbek Turg'unboev, Oybek Qilichev, Mirzohid G'ofurov, Ro'zimboy Ahmedov. Zaxiradan maydonga tushganlar: Ravshan Xursanov, Tohir Shamsitdinov, Alisher Mirzaev, Akmal Ortiqov, Alisher Mahmudov, Abbos Otaxonov, Abduaziz Sultanov. Bu safargi uchrashuvda kichik jarohatlari borligi sababli Ilhom Boydedaev va Nemanya Yovanovichlar ishtirok etishmadi. Darvozabon Nodir Ashurmatov esa zaxirada qoldirildi.
— deya xabar beradi uff.uz nashri.