"Nyukasl Yunayted" bosh murabbiyi Rafael Benites Angliya Kubogi 1/16 finali doirasida "Oksford Yunayted" klubidan uchralgan 0:3 hisobidagi mag'lubiyat uchun jamoa muxlislaridan uzr so'radi.
"Biz birinchi bo'limda juda ko'p imkoniyatlarni qo'ldan boy berdik. Hisob 0:1 bo'lganida esa penaltidan foydalana olmadik.
Standart vaziyatlar vaqtida yomon o'ynadik va ikkinchi bo'limda yana o'sha xatolardan aziyat chekdik. Muxlislar oldida kechirim so'ramoqchiman. Afsuski shunday bo'lib qoldi, biz Kubokda imkon qadar uzoqqa borishni istagan edik.
O'zi Kubok bahslarida shunday bo'lib turadi, bir nechta vaziyatdan foydalana olmasang, raqib seni jazolaydi", - deydi Benites.
— deya xabar beradi uff.uz nashri.