Bugun “Navbahor” yoshlari Farg'ona viloyati “Hokim Kubogi”dagi dastlabki uchrashuvni o'tkazishdi. Birinchi o'yinda yosh “lochinlar” Farg'onaning “Istiqlol” jamoasi bilan bahs olib borishdi. “Istiqlol” futbolchisi tomonidan urilgan gol farg'onaliklarning 1:0 hisobidagi g'alabasini ta'minladi. Yagona gol uchrashuvning yakuniy qismida urilganligi va bu vaziyatda gol muallifini o'yindan tashqari holatda turganligini ham qo'shimcha qilish joiz. Bu paytga kelib “Navbahor” yoshlari maydonda kamchilik bo'lib qolishgandi. G'olibbek Karimovni qoidani buzdi deb topgan hakam qizil kartochka ko'rsatgandi. “Navbahor” yoshlari navbatdagi uchrashuvni 31 yanvar kuni Andijonning “O'zDongJu” jamoasiga qarshi o'tkazishadi. Uchrashuvni “Navbahor” yoshlari quyidagi tarkibda o'tkazishdi: Mirzohid Mamatxonov, Javohir Olimjonov, Hojiakbar Yunusov, Shahzod Hamidov, G'olibbek Karimov, Akbarali Xoldorov (Iskandar Sidiqjanov), Shohruhmirzo Ahmadaliev, Ahmad Mamadaliev (Omonullo Mirzaev), Islom Abduqodirov (Ibrohim Ismoilov), Ilhom Aliboev (Abdulaziz Jalilov), Bobir Tillaboev (Abbos G'ulomov).
— deya xabar beradi uff.uz nashri.