"Chelsi" klubi futbolchilari va bosh murabbiy Joze Mourinyu o'rtasida kelishmovchilik kelib chiqdi. Bunga jamoa shifokori Eva Karneyro va fizioterapevt Jon Fernaning iste'foga chiqarilgani sabab qilib ko'rsatilmoqda.
Angliyaning thesecretfootballer.com nashri xabariga ko'ra, "Chelsi" futbolchilari Mourinyuning o'zini tutishi, xususan, Karneyro va Fernani tanqid qilib, uni haydab yuborganidan norozi. Futbolchilarning fikricha, shifokorlar o'z ishlarini juda yaxshi bajarishgan. Bundan tashqari, futbolchilar o'z qarashlarini murabbiyning yuziga ochiq aytishgan va undan Karneyro va Fernani qaytarishni so'rashgan. Bu "kichik kampaniya"ga Sesk Fabregas boshchilik qilayotgani aytilmoqda.
Hozircha klub xo'jayini Roman Abramovich bosh murabbiy borasida bir qarorga kelmadi. Imkoniyati kattaligiga qaramay, rossiyalik biznesmen moliyaviy fair playni buzishni istamayapti. Chunki Mourinyuning iste'fosi 30 million funt turadi.
— deya xabar beradi uff.uz nashri.