Har ikki jamoa o'yinni ehtiyotkorlik bilan boshlashdi. Dastlabki xavfli vaziyat 13-daqiqada vujudga keldi. Muborakliklarning birinchi hujumi gol bilan yakunlanishiga bir bahya qoldi. “Mash'al-2” vakili bergan zarbani darvozabonimiz mahorat bilan bartaraf etdi. Birinchi bo'lim o'rtalariga kelib, ustunlik sekin-asta yoshlarimiz tomoniga o'tdi. Muhsin Nizomiddinov shogirdlari raqib darvozasi oldida ketma-ket hujumlar tashkil etishdi. Ammo barcha urinishlar besamar yakunlanaverdi. 30-daqiqada muborakliklar hujumchisi Farrux Shotursunov darvozabon bilan birga –bir vaziyatga chiqib borib, hisobni ochishga muvaffaq bo'ldi. Oradan uch daqiqa o'tib, muvozanat tiklandi. Raqiblaridan ildamroq harakat qilgan Andrey Sidirov muborakliklar darvozasini ishg'ol etdi. Birinchi bo'lim shu hisobda intiho topdi. Ikkinchi taymda muborakliklar tarkibni kuchaytirishiga qaramay, bo'limni vakillarimiz shiddatli tarzda boshlashdi. 62-daqiqa raqib darvozasi oldida xavfli vaziyat vujudga keldi. Orif Mamajonovning zarbasidan keyin muborakliklar posboni to'pni o'shlab olishda xatolikka yo'l qo'ydi. Ammo tezda xatosini to'g'irladi. 69-daqiqada muborakliklar penalti tepish huquqiga ega bo'lishdi. Shotursunovning o'n bir metrli nuqtadan bergan zarbasini Abdullaev qaytardi. Ammo qaytgan to'pni Farruxning o'zi darvozaga aniq yo'llab, jamoasini yana oldinga olib chiqdi. Uchrashuv shu hisobda yakun topdi. Muborakliklar 2:1 hisobida g'alaba qozonishdi. “Viloyat Hokimi Kubogi-2017”
“D” guruhi. 3-tur “Mash'al-2” – “Qo'qon-1912-2” – 2:1 (1:1)
Gollar: Farrux Shotursunov-30, 69. – Andrey Sidirov-33.
“Mash'al-2”: 35. Javohir Ilyasov, 33. Shahzod Abdurahimov, 2. Iskandar Shoyqulov, 8. Mirzakamol Kamolov, 29. Jamoliddin Ubaydullaev, 17. Vladislav Pavlenko, 13. Shahzod Shaymanov, 19. Maqsad Muhammedov, 27. Farrux Shotursunov, 6. Abbos Amonov, 96. Shoxrux Dostonov.
Zaxira: 30. Botir Nosirov, 9. Xumoyun Murtazoev, 28. Maradona Safarov, 22. Jonibek Mirzaqulov, 55. Avaz Agaliev.
“Qo'qon-1912-2”: 30. Islom Abdullaev, 6. Islom Karimov, 8. Ibrohim Rahimov, 10. Iqbol Malikjonov, 11. Ibrohim Muxtorov, 14. Muhammadanas Hasanov, 15. Ma'ruf Zokirjonov, 17. Andrey Sidorov, 19. Shoxrux Xolmatov, 22. Orif Mamajonov, 27. Ismoil Oxunjonov.
Zaxira: 1. Suxail Jumaboev, 2. Ramzbek Isaqov, 4. Sardor Isaqov, 5. Doniyor To'lashev, 21. Doston Meliqo'ziev, 25. Dilshod Baratov, 26. Ibrohim Ahmadjonov.
— deya xabar beradi uff.uz nashri.