Madridning "Real" klubi sobiq darvozaboni, ayni vaqtda "Portu" sharafini himoya qilayotgan Iker Kasilyas madridliklar hujumchisi Krishtianu Ronaldu haqida fikr bildirdi.
"Real"ning vakili sifatida ba'zan Ronalduga xushtak chalishlarini tushuna olmayman. Buning sabablari ham noma'lum. Axir u olti oy muqaddam Evropa chempioni bo'ldi.
Bu holat menga o'zimni eslatadimi? "Santyago Bernabeu"da hammaga xushtak chalishgan. Ronaldudan juda ko'p narsa talab qiladilar, bu uning borlig'i. U ham Messi kabi dunyoning eng yaxshi futbolchisi bo'lib turarkan, shunga yarasha ulkan mas'uliyatga ham ega bo'ladi. Bu klubda juda ko'p salbiy va ijobiy jihatlar bor. "Real"da o'tmish bilan yashab bo'lmaydi", - deydi Kasilyas.
Eslatib o'tamiz, "Real Sosedad"ga qarshi kechgan so'nggi uchrashuvda Krishtianu Ronaldu gol urdi va golli uzatmani amalga oshirib, 3:0 hisobidagi g'alabaga katta hissa qo'shdi. Biroq shunda ham muxlislar unga xushtak chalavergach, o'zini tutib tura olmay, ishqibozlarni kurakda turmaydigan so'zlar bilan haqorat qilgan.
— deya xabar beradi uff.uz nashri.