Farg'ona maydonlarida bo'lib o'tayotgan “Hokim kubogi”da qatnashayotgan “Navbahor“ yoshlari bugun musobaqadagi ikkinchi uchrashuvni o'tkazishdi. Bu safar futbolchilarimizga Andijonning “O'zDongJu” jamoasi raqib bo'ldi. Birinchi liga vakili bilan o'tgan o'yinda 3:2 hisobidagi g'alaba qo'lga kiritildi. Uchrashuvning birinchi bo'limida Hojiakbar Yunusov hisobni ochishga erishdi. Futbolchilarimiz burcha zarbasini amalga oshirishgach, himoyachilardan qaytgan to'pni Yunusov 17 metrlardan darvozaga yo'lladi. Tanaffusdan keyin andijonliklar nafaqat hisobni tenglashtirishdi balki oldinga ham o'tib olishgandi. Ammo, bu jihat futbolchilarimizni tushkunlikka tushirmadi. Aksincha g'alaba sari ruhlantirdi. Natijada Ismoil Abduraimov raqib darvozasini ikki bor nishonga olib, irodali g'alabani ta'minladi. Uchrashuvni yoshlarimiz quyidagi tarkibda o'tkazishdi: Mirzohid Mamatxonov, Hojiakbar Yunusov, Shahzod Hamidov, Javohir Olimjonov (Shohruhmirzo Ahmadaliev), Ismoil Abduraimov, Akbarali Xoldorov (Iskandar Sidiqjanov), Muzaffar Abdullaev (Abbos G'ulomov), Ilhom Aliboev (Abdulaziz Jalilov), Ahmad Mamadaliev (Ibrohim Ismoilov), Islom Abduqodirov, Bobir Tillaboev (Omonullo Mirzaev).
— deya xabar beradi uff.uz nashri.