"Bavariya" hujumchisi Tomas Myuller maydonda o'z o'rnini topish borasida qiyinchilikka uchrayotganini tan oldi.
"Men juda og'ir va uzoq yo'lni bosib o'tmoqdaman. Oxirgi ikki uchrashuvda maydonda o'z o'rnimni topa olmadim. Men qidirdim va qidirdim, ammo o'zimni ko'rsata oladigan birorta ham pozitsiya topa olmadim. Bundan juda qattiq xafa bo'ldim.
Mening o'yinim va gollari jamoadoshlarimga bog'liq. Raqibning besh himoyachisini aldab o'tib, o'zim uchun golli vaziyat yarata olmayman. Ammo bu holatda jamoadoshlarim aybdor emas, biz kengroq ko'lamda fikrlashimiz lozim. Balki mening harakatlarim jamoaga mos kelmayotgandir", - deydi Myuller.
Eslatib o'tamiz, Myuller Germaniya chempionati 18 turiga qadar 15 o'yinda maydonga tushdi va faqat bitta gol kiritdi.
— deya xabar beradi uff.uz nashri.