“Nasaf” jamoasi 7 fevral kuni safarda, Osiyo chempionlar ligasining pley-off bosqichi doirasidagi uchrashuvni Saudiya Aoabistonining “Al-Fath” klubiga qarshi o'tkazadi.
“Al-Fath” klubi yurtimiz futbol ishqibozlariga notanish emas. Ular OChL-2014 mavsumda “Bunyodkor” klubi bilan bir guruhda qatnashgan. Shu yil “V” guruhida “Bunyodkor” bilan Qatarning “Al-Jayish”, Eronning “Fulad” va Saudiya Arabistonining “Al-Fath” klublari bahs olib borishgan.
Dastlab,  25 fevral kuni o'tkazilgan “Al-Fath” (Saudiya Arabistoni) – “Bunyodkor” uchrashuvida 0:0 hisobi qayd etilgan. 16 aprel kuni Toshkentda bo'lib o'tgan uchrashuvda “qaldirg'ochlar”  3:2 hisobida “Al-Fath”ni mag'lubiyatga uchratishgan.
Shu yili “Bunyodkor” guruh bosqichidan nimchorak finaliga yo'llanma olgan bo'lsa, “Al-Fath” guruhda 4-o'rinni egallab, OChLdagi ishtirokini yakunlagan.
Shunisi diqqatga sazovorki, “Al-Fath” bilan bo'lgan har ikkala uchrashuvda ham “Nasaf” jamoasining tajribali himoyachisi Akmal Shorahmedov “Bunyodkor” tarkibida to'liq o'ynagan.
Demak, Akmal Shorahmedov endi “ajdarlar” safida yana bir marta “Al-Fath”ga qarshi maydonga tushishi mumkin.
— deya xabar beradi uff.uz nashri.