O'zbekistonlik FIFA referisi Valentin Kovalenko boshchiligidagi hakamlar brigadasi Osiyo Chempionlar Ligasi–2017 pley-off bosqichidan o'rin olgan “Shanxay Shenxua” – “Brisben Roar” uchrashuvini boshqarib boradi. Mazkur bellashuvga bosh hakam etib tayinlangan Valentin Kovalenkoga qanotlarda Ruslan Serazitdinov va Andrey Tsapenko yordam beradi. To'rtinchi hakam vazifasini vetnamlik Nguyen Xien Triet bajaradi. Uchrashuv komissari – maldivlik Ahmad Shahir, hakamlar nazoratchisi esa yaponiyalik Ishiyama Noboru bo'ladi. Bahs menejeri vazifasi singapurlik Muhammad Zubirga yuklatildi. Ma'lumot uchun, “Shanxay Shenxua” – “Brisben Roar” o'rtasidagi bellashuv 8 fevral kuni, Shanxay shahrida bo'lib o'tadi. 
— deya xabar beradi uff.uz nashri.