Bugun, 3 fevral kuni O'zbekiston Futbol Federatsiyasi anjumanlar zalida OAV xodimlari uchun “Futbol  qoidalaridagi o'zgarishlar” mavsuzida o'quv-amaliy seminar bo'lib o'tdi.
Seminar FIFA referisi Ravshan Ermatov va FIFA instruktori Vladislav Tseytlin tomonidan olib borildi. Seminarga UzReport TV va Sport telekanali xodimlari va sharhlovchilari hamda bir qator jurnalistlar tashrif buyurdi.
Dastlab, soat 9:30 da O'FFning sun'iy qoplamali maydonida amaliy mashg'ulotlar olib borildi. Interaktiv mashg'ulotlada OAV xodimlari o'yindagi vaziyatlarda qisqa vaqt ichida qaror qabul qilishni o'zida sinab ko'rdi.
Shundan so'ng, O'FF anjumanlar zalida taqdimot va videolavhalar yordamida futbol qoidalaridagi o'zgarishlar haqida ma'lumotlar berildi, bahs-munozaralar o'tkazilib, savol-javoblar bo'lib o'tdi.
— deya xabar beradi uff.uz nashri.