Kecha “Manchester Siti” klubining yangi a'zosi Gabriel Jesus o'zining asosiy tarkibda maydonga tushgan ilk uchrashuvida gol va golli uzatmani amalga oshirishgaga erishdi va o'z jamoasining yirik g'alabasiga hissa qo'sha oldi. Shu munosabat bilan huddi braziliyalik futbolchi singari APLdagi debyuti muvaffaqiyatli chiqqan 10 futbolchini eslab o'tamiz. Alan Shirer, 1998 “Blekbern” 4-2 “Arsenal” XX asr so'nggidagi Angliyaning eng yaxshi hujumchisining gollar seriyasi aynan ushbu matchdan boshlangan edi. Keyinchailk bu seriya “Nyukasl” klubida ham davom etadi. Yurgen Klinsmann, 1994 “Tottenxem” 4-3 “Sheffild Uensdey” Germaniyalik to'purar futbolchi Angliyaga simulyatsiyachi futbolchi sifatida kelgan edi. Biroq, “shporlar” tarkibidagi ilk o'yinining 82-daqiqasida gol kiritib jamoasiga muhim uch ochkoni keltiradi. Fabritsio Ravanelli, 1996 “Midlsbro” 3-3 “Liverpul” Italiyalik sobiq futbolching faoliyatidagi eng katta xato Angliyaga kelgani bo'ladi. Garchi ilk o'yinida “xet-trik” qayd etgan bo'lsada klub mavsumni bir maromda o'tkaza olmaydi va Premer ligani tark etadi.Keyinchailk Ravanelli “Boro”ni “Marsel”ga almashtiradi. Robbi Kin, 1999 “Koventri Siti” 2-0 “Derbi Kaunti” Kin faoliyati davomida juda ko'p jamoalarda o'ynagan va debyutlari ham tabiiyki juda ko'p. Biroq, ulardan eng omadlisi “Koventri”da o'tgan. Umuman 19 yoshli irlandiyalik futbolchi uchun jamoa o'sha vaqt uchun anchagina katta summa – 6 mln funt sarf etgan. O'z navbatida yosh iqtidor egasi ilk bahsdayoq “dubl” qayd etib, muhlislarni xushnud etgan edi. Rud van Nisteroy, 2001 “Manchester Yunayted” 3-2 “Aston Villa” “Yunayted” Rud uchun 19 mln funtni “PSV”ga qurtdek sanab beradi. O'z navbatida gollandiyalik futbolchi bu pullarni ilk oqlashni ilk o'yindayoq boshlaydi. “Fulxem” van Nistelroydan ikkita gol qabul qilib oladi. Qayd etib o'tish kerak gollandiyalik futbolchi mavsum yakunida 23 ta gol kiritgan holda eng yaxshi futbolchi uchun atalgan sovrinni o'ziniki qiladi. Federiko Makeda, 2009 “Manchester Yunayted” 3-2 “Aston Villa” Debyut omadli chiqqani bu hujumchi jamoada o'ynab keta oladi degan emas. Buni biz Makeda misolida ko'rishimiz mumkin. “Yunayted” chempionlik poygasida qolishi uchun ushbu bahsda faqatgina g'alaba zarur edi. Aksiga olib o'yinning bir soati o'tgan mahalda “qizil iblislar” 1-2 hisobida ortda qolayotgan edi. Ayni o'sha vaqtda esa ser Aleks italiyalik yosh iqtidor egasini maydonga tashladi. Bu o'zgarish samarasi o'laroq 80-daqiqada Krishtianu Ronaldu hisobni tenglashtirgan bo'lsa, hakam tomonidan qo'shib berilgan daqiqalarda Federiko gol urib “Old Trafford”ni larzaga keltirgan edi. Darvoqe, bugungi kunda Makeda “Nottingem Forest” safida o'ynamoqda. Serxio Aguero, 2011 “Manchester Siti” 4-0 “Suonsi” “Manchester Siti” tarixidagi eng yaxshi transfer Agueroning sotib olinishi bo'lsa ajab emas. Zero, klub uni bor-yo'g'i 38 mln funtga sotib olgan edi. Hozirda esa uning narhi ikki barobar qimmatdir. Debyut o'yinida 59-daqiqada zahiradan maydonga tushgach, o'n daqiqadan so'ng gol uradi. Keyinchalik David Silvani golli uzatma bilan ta`minlagan Serxio uchrashuv yakunida yana bir bor o'z ismini tabloga yozdirib qo'yadi. Diego Kosta, 2014 “Byornli” 1-3 “Chelsi” Diegoning APLdagi ilk o'yini “Byornli”ga qarshi matchga to'g'ri keladi. Mezbonlar hujumchisi Skott Erfildning goliga oradan uch daqiqa o'tib braziliyalik ispan javob qaytaradi. O'sha mavsum Kosta 19 ta golga mualliflik qiladi. Maqolaning davomi penalti.uz saytida
— deya xabar beradi uff.uz nashri.