Londonning “Chelsi” klubi yozgi transfer uchun katta mablag' sarflashni rejalashtirmoqda. Daily Mirror nashrining xabar berishicha jamoa bosh murabbiyi Antonio Kontega “aristokratlar” tarkibini kuchaytirishi uchun rahbariyat tomonidan 100 million funt (taxminan 116,5 million evro) beriladi. Ta'kidlash kerakki italiyalik mutaxassisning yozgi transferlar uchun rejalari deyarli aniq. Konte “Chelsi”ga "Seltik"dan Mussa Dembele, "Real"dan Alvaro Morata va "Satugempton"dan Virgil van Deyklarni olib kelmoqchi. Dembele ushbu mavsum 38ta o'yinda maydonga tushib, o'z hisobiga 20ta gol va 5ta golli uzatma yozdirib qo'ygan. 20 yoshli futbolchining shotlandiyaliklar bilan amaldagi shartnomasi 2020 yilga qadar imzolangan. Morataning hisobida esa ushbu mavsum jami 27ta o'yin bor. 24 yoshli ispaniyalik futbolchi yuqoridagi uchrashuvlarda 10ta gol urib, 4ta golga assisentlik qilgan. Uning “Real” bilan amaldagi shartnomasi 2021 yilga qadar imzolangan. 25 yoshli van Deyk esa bu mavsum 30ta uchrashuvda maydonga tushgan. Uning hisobida hozircha 4ta gol mavjud. Gollandiyalik himoyachining "Satugempton" bilan amaldagi shartnomasi 2022 yilga qadar tuzilgan.
— deya xabar beradi uff.uz nashri.