Bugun “Navbahor” futbolchilari mavsumga tayyorgarlik jarayonidagi navbatdagi nazorat o'yinida maydonga tushishdi. “Lochinlar” bu safar Toshkentning “Paxtakor” jamoasi raqiblik qildi. Uchrashuvda “Navbahor” 2:0 hisobidagi g'alabani qo'lga kiritdi. Uchrashuvning birinchi bo'limi keskin kurashlarga boy tarzda o'tdi. Har ikki jamoa a'zolari ham bir qator hujumlar tashkil etishgan bo'lsada tanaffusga qadar hisobni ochish hech kimga nasib etmadi. Ikkinchi bo'limda har ikki jamoa murabbiylari bir qator o'zgarishlarni amalga oshirishdi. Uchrashuv yakunlanishiga 20 daqiqa vaqt qolganida “Navbahor” hisobni ochishga erishishdi. Zaxiradan maydonga tushgan Ro'zimboy Ahmedov “Paxtakor” darvozasiga belgilangan penaltini aniq amalga oshirdi. Oradan biroz vaqt o'tib Azizbek Turg'unboev ham o'z hisobiga gol yozib qo'ydi. Futbolchimiz chamasi 21 metrlar uzoqlikdan belgilangan jarima zarbasini golga aylantira oldi. Aynan shu ikki gol jamoamizning g'alabasini ta'minladi. “Paxtakor”ga qarshi uchrashuvda Hasanboy Ergashev va G'iyos Komilovlar betobliklari sababli maydonga tusha olmadilar. Uchrashuvni “Navbahor”quyidagi tarkibda o'tkazdi: Asilbek Omonov, Jahongir Mehmonov, Abbos Otaxonov, Alisher Samatov, Tohir Shamsitdinov, A'zam Aliev, Dilshod Jabborov, Mirzohid G'ofurov, Oybek Qilichev, Mansur Saidov, Nemanya Yovanovich. Zaxiradan maydonga tushganlar: Akmal Ortiqov, Ilhom Boydedaev, Alisher Mirzaev, Ro'zimboy Ahmedov, Ravshan Xursanov, Azizbek Turg'unboev, Abdulaziz Sultanov, Timur Tolipov. “Paxtakor” jamoasi uchrashuvni quyidagi tarkibda o'tkazdi: Lobanov, Alijonov, Bulyat, Oraxovats, Hoshimov, Ismatullaev, A.Ahmedov, Sohibov, Andreev, Karimov, Sergeev. Zaxiradan maydonga tushganlar: Ergashev, Alijonov, G.Ahmedov, Yusupov, Avilov, O'runov, Mahmudhojiev, Nurullaev, Ibrohimov, G'anixonov, Hakimov.
— deya xabar beradi uff.uz nashri.