«Arsenal» klubi bosh murabbiyi Arsen Venger APL 24-turi doirasida «Chelsi»ga qarshi kechadigan uchrashuv oldidan o'z fikrlari bilan o'rtoqlashdi. «Albatta, agar zaruriyat tug'ilsa «Arsenal»ning o'yin sxemasini o'zgartirgan bo'lardim, xuddi Konte «Chelsi»da qilgani kabi. Biroq bunday qilinadigan bo'lsa, bir qancha masalalar yuzaga keladi: futbolchilarni yangi uslubga moslashtirish, ularning jamoadagi roli va kimni tarkibdan chiqarish. Konte yangi o'yin uslubini jamoaning eng yaxshi futbolchilari hisobiga tuzdi. Bu yo'l «Chelsi»ga mos keladi. Ushbu yangi uslub ularga qay darajada kerak bo'lganini bilmayman, ammo ular o'z o'yinlarini muvozanatga keltirib oldilar. Matich va Kante himoyadagi barqarorlikni ta'minlamoqdalar», — deydi Venger.
— deya xabar beradi uff.uz nashri.