“Chelsi” jamoasi yarim himoyachisi Eden Azar “Arsenal”ga qarshi (3:1) o'yindan keyin o'z fikrlarini aytib o'tdi. Belgiyalik futbolchi jamoasining ikkinchi goliga mualliflik qilgandi. “Top-klubga gol urish doimo yoqimli, ayniqsa u chiroyli tarzda kiritilgan bo'lsa. O'yindan zavq olib, goldan bahra oldim. Chiroyli gol urganimdan xursandman. Biz yaxshi o'ynadik, qarshi hujumlarda vaziyatlar yarata oldik. Angliya chempionatida hamon etakchilik qilyapmiz va oxirigacha shunday bo'lib qolishiga umid qilamiz”, – dedi Azar. 
— deya xabar beradi uff.uz nashri.