Antaliyada yig'in o'tkazayotgan jamoamiz safiga bugun yana bir futbolchi kelib qo'shildi. O'tgan mavsumda Qozog'iston chempionatida bronza medali sohibi bo'lgan Shota Grigalashvili jamoa ko'rigiga taklif etildi. Pavlodarning "Irtish" jamoasi a'zosi bo'lgan bu futbolchi Gruziya fuqarosidir. Shota futbolchilik faoliyati davomida 2004-2012 yillarda Gruziya chempionatida bir qator jamoalar sharafini himoya qilgan. 2012 va 2013 yillarda esa Rossiyaning "Alaniya" va "SKA Energiya" jamoalarida to'p tepgan. 2014-2016 yillarda esa Kiprning "Anartosis", "Omoniya", "Nea Salamina" va "Etnikos" jamoalarida faoliyat yuritgan. 2016 yilni Qozog'istonning "Irtish" jamoasida yakunlagan. Gruziyaning U19 terma jamoasida 3, U21 terma jamoasida 12 o'yinda ishtirok etgan. Shuningdek, asosiy terma jamoada ham 2006-2013 yillarda 12 marta maydonga tushgan. Shota Grigalashvili
1986 yil 21 iyunda Tbilisida tavallud topgan.
Ampluasi: markaziy yarim himoyachi
Bo'yi: 174 sm, vazni 74 kg 
— deya xabar beradi uff.uz nashri.