Angliya chempionati 24-turidan o'rin olgan «Tottenxem» – «Midlsbro» uchrashuvi o'z nixoyasiga etdi. «Uayt Xart Leyn»da kechgan uchrashuvda londonliklar Xarri Keynning yagona goli evaziga «Midlsbro»dan ustun keldilar. Uchrashuvning 58-daqiqasida mehmonlar o'z jarima maydonlarida Son Xyon Minga nisbatan qo'pol o'ynadilar, Xarri Keyn 11 metrlik jarima zarbasini aniq bajardi va o'yin taqdirini hal qilgan golga mualliflik qildi. Ushbu g'alabadan so'ng «Tottenxem» musoboqa jadvalining ikkinchi pog'onasiga ko'tarilib oldi va peshqadam «Chelsi»dan to'qqiz ochko ortda bormoqda. Angliya chempionati, 24-tur Tottenxem – Midlsbro 1:0 (0:0, 1:0) Gol: 1:0 – 58, penalti Keyn. Tottenxem – Loris, Alderveyreld, Devis, Uoker, Dembele, Vanyama, Alli (Uinks, 88), Dayer, Eriksen, Keyn (Yanssen, 90), Son Xyon Min (Sissoko, 81). Midlsbro – Valdes, Chembers, Fabio, Espinosa, Gibson, Forshou (Gediura, 62), Kleyton, Traore (Bemford, 79), de Ron, Dauning (Stuani, 62), Negredo. Ogohlantirishlar: de Ron (38).
— deya xabar beradi uff.uz nashri.