“Barselona” klubi “Real” jamoasi yarim himoyachisi Frantsisko Iskoni o'z safida ko'rishni istaydi, biroq bu madridliklarning rejalariga kirmaydi. Bu haqida Marca nashri xabar tarqatdi. Manbada aytilishicha, kataloniyalik klub rahbariyati 24 yoshli Iskoga Andres Inestaga davom sifatida qaramoqda. Kuni kecha ispaniya termasi a'zosi “Qirollik klubi” bilan shartnomasini uzaytirishdan bosh tortgani va boshqa jamoalardan takliflarni ko'rib chiqishga tayyorligi ma'lum bo'lgandi. Ammo “Real” o'yinchi o'zining ashaddiy raqibiga qo'yib yuborishni istamaydi. Iskoning madridliklar bilan bitimi 2018 yilning yozida o'z nihoyasiga etadi.
— deya xabar beradi uff.uz nashri.