Insoniy tuyg'ular orasida do'stlik tuyg'usi ajralib turadi. Odamzot baxtli damlarida ham, og'ir kunlarida ham do'stlar bilan birga bo'ladi. Biz esa millionlar o'yini bo'lmish – futboldagi do'stlar haqida hikoya etishni maqsad qildik. 5. Pike va Fabregas Bu ikkovlon bir-birlari bilan “Barselona” klubi akademiyasida yurgan paytlarida tanishishgan. Futbolchilarga kam imkon berilgani sabab ular Angliyaga ketishga majbur bo'lishdi. Pike “Manchester Yunayted”, Fabregas “Arsenal” bilan shartnoma imzoladi. “Ot aylanib, qozig'ini topadi” deganlaridek, Pike birinchi bo'lib, “Kamp Nou”ga qaytib keladi. “To'pchilar” safida muvaffaqiyatli o'ynagan Fabregas esa uni “Barselona”ga qo'yib yuborishlari uchun transferining bir qismini o'zi to'lgani ko'pchilikning yodidan ko'tarilgan. Mazkur ikki do'st birgalikda juda ham ko'p sovrinlarni qo'lga kiritishdi. Ham “Barselona” safida, ham terma jamoada. Pike ayni vaqtda “Chelsi”da to'p surayotgan do'sti bilan hazillashishni xush ko'radi. O'z navbatida Sesk ham uning hazillariga tabassum bilan javob qaytarishni kanda qilmaydi. 4. Ronaldu va Marselo Har doim birinchi bo'lishni yaxshi ko'radigan Ronaldu bilan do'st tutinish juda ham qiyin. Buning uchun portugaliyalik futbolchining “tilini” topa bilish kerak. Marselo esa aynan Ronaldu bilan “til topishib” ketganlardan. Zero, braziliyalik himoyachi va Ronaldu har gol urganlaridan so'ng golni o'zgacha nishonlashni odat qilishgan. 3. Kasilyas va Xavi “Barselona” va “Real” futbolchilari o'zaro qalin do'st bo'lgan holatlar ham futbolda uchrab turadi. Masalan, Iker va Xavi mana 20 yildan buyon bir-birlarini bilishadi va juda ham xurmat qilishadi. Ba'zan o'ylab qolasan kishi, qani edi, yurtimizdagi barcha “Real” va “Barselona” muxlislari ham xuddi Kasilyas va Xavi singari do'st tutinishsa… Maqolaning davomi penalti.uz saytida.
— deya xabar beradi uff.uz nashri.