«Barselona» klubi hujumchisi Pako Alkaser Ispaniya chempionati 21-turi doirasida «Atletik»ga (3:0) qarshi kechgan uchrashuvdan so'ng o'z fikrlari bilan o'rtoqlashdi. 23 yoshli futbolchi ushbu uchrashuvda ko'k-anorranglilar safidagi ilk golini kiritdi. «Jamoa g'alabasiga hissa qo'shganimdan juda xursandman, biz mana shu ruhda davom etishimiz kerak. Jamoadoshlarim ham gol urganimdan xuddi men kabi juda xursand bo'lishdi. Bu yukdan halos bo'lganimdan shodman. O'yinning boshida «Atletik» bizni kuchli presingda ushladi va biz hujumga o'tishda juda qiynaldik, buning ustiga raqibda bir nechta imkoniyatlar bo'ldi. Ammo ikkinchi goldan so'ng o'yin tizginini o'z qo'limizga oldik. Endi yana ham ko'proq ishlashda davom etishim kerak», — deya Alkaser so'zlarini keltirmoqda Marca nashri.
— deya xabar beradi uff.uz nashri.