Ispaniya chempionati 21-turidan o'rin olgan «Sevilya» – «Vilyarreal» uchrashuvi yakunlandi. «Ramon Sanches Pisxuan» o'yingohida bo'lgan uchrashuvda hisob ochilmadi. Ikkinchi bo'limning boshida Xorxe Sampaoli shogirdlari hisobda oldinga chiqib olishlari mumkin edi. Ammo jamoa yarim himoyachisi Samir Nasri penaltidan unumli foydalana ololmadi. Shu tariqa ushbu durangdan so'ng «Sevilya» turnir jadvalining uchinchi pog'onasida qoldi va «Barselona»dan ikki ochko ortda qolmoqda. Ispaniya chempionati, 21-tur Sevilya – Vilyarreal 0:0  Sevilya – Riko, Rami, Merkado, Mariano (Sarabiya, 62), Langle, Nzonzi, Nasri, Vitolo, Vaskes (Iborra, 76), Yovetich (Vetto, 71), Ben-Yedder. Vilyarreal – Asenxo, Bonera, Xose Anxel, Mario Gaspar, Ruis, Rodri Ernandes, Soriano, Trigeros (Rukavina, 89), Dos Santos, Kastilexo (Cheriishev, 66), Adrian (Bakambu, 71). Ogohlantirishlar: Nasri (25), Soriano (28), Merkado (44), Mario Gaspar (50).
— deya xabar beradi uff.uz nashri.