«Manchester Yunayted» klubi bosh murabbiyi Joze Mourino jamoasi APLda g'olib chiqishiga ishonmayapti va qolgan musoboqalarda muvaffaqiyatga erishishga umid qilmoqda. «Biz APLda g'olib chiqolmaymiz. Bu yaqqol ko'rinib turibdi. Bilmadim, «Chelsi» qancha o'yinda ochko yo'qotishi kerak va biz nechta o'yinni ketma-ket o'z foydamizga hal qilishimiz kerak, ammo boshqa uch musoboqada g'alaba qozonishimiz mumkin. Biz bu sovrinlar uchun kurashishimiz kerak. Kuchli to'rtlikda «Arsenal» ham, «Tottenxem» ham, «Chelsi» ham, «Manchester Siti» ham, «Liverpul» ham bo'lishi kerak. Olti jamoa ham u erda bo'lishga haqli. Ba'zi jamoalar boshqalariga qaraganda yaxshiroq tayyorgarlik ko'rdilar, ular so'nggi yillarda ancha kuchli o'yin namoyish etmoqdalar. Jamoada tug'ma etakchilar etarlimi? Albatta, yo'q. Runi va Kerrik uchun muvaffaqiyatlar – odatiy ish, ammo yana kim? Ibrahimovich, biroq u bizning klub bilan g'alabalarga erishmagan. Yana Antoniya Valensiya ham. Jamoada bo'shliqlar bor, men esa ularni to'ldirishim kerak. Buning uchun yozgi transfer mavsumida katta hajmdagi ishni amalga oshirishimiz kerak. Bora-bora bo'sh o'rinlarni to'ldirishimiz kerak», – deydi Mourino.
— deya xabar beradi uff.uz nashri.