«Chelsi» klubi sobiq futbolchisi va bir paytlar Angliya termasini boshqargan Glenn Xoddl APL 24-turidagi «Chelsi» hamda «Arsenal» jamoalari o'rtasidagi bahs borasida o'z fikrlari bilan o'rtoqlasharkan, yarim himoyachilar Eden Azar («Chelsi») va Mesut O'zilni («Arsenal») o'zaro solishtirdi. ««Chelsi»ning yuqori sifatli o'yin namoyish etganidan kelib chiqib aytadigan bo'lsak, qaysidir o'yinchini alohida ajratib ko'rsatish qiyin, ammo Azar ajoyib o'yin ko'rsatdi. Har bir murabbiy katta o'yinlarda jamoa etakchilari o'zlarini ko'rsatishlarini xohlaydi. Aynan shu ishni Azar har safar bajaradi. Uchrashuv qanchalik muhim bo'lsa, u shunchalik kuchli o'yin namoyish etadi. Bu masalada O'zil juda yomon ko'rinadi. U JCh g'olibi bo'lgan, «Real» bilan Ispaniyada chempion bo'lgan, ammo u muhim o'yinlarda Azar ko'rsatayotgan o'yinning g'irt teskarisini amalga oshiradi», — deydi Xoddl.
— deya xabar beradi uff.uz nashri.