«Manchester Siti» klubi bosh murabbiyi Xosep Gvardiola ARL 24-turi doirasida «Suonsi Siti»ga qarshi kechgan bahsdan so'ng o'z fikrlari bilan o'rtoqlashdi. «Etixad» stadionida bo'lib o'tgan uchrashuvda mezbonlar 2:1 hisobida zafar quchdilar. Gabriel Jezus esa dublga erishdi. «Ochko yo'qotishimizga sal qoldi, ammo menimcha jamoa bugun g'alabaga loyiq edi. Tan olaman biz ikki xil bo'lim o'tkazdik. Jezus to'p bilan va to'psiz juda yaxshi harakatlanadi. Men uning o'yinidan g'oyat xursandman. U raqib jarima maydonida o'ziga xos o'yin namoyish etadi, Gabriel u erda juda xavfli», — deydi Gvardiola.
— deya xabar beradi uff.uz nashri.