Bugun “Hokim Kubogi–2017” final yo'llanmasi hal bo'lishi bois “Qo'qon-1912” va “Mash'al-2” o'yinni ehtiyotkorlik bilan boshlashdi. 12-daqiqada vakillarimiz raqib darvozasi oldida xavfli vaziyatni vujudga keltirishdi. Bahodir Pardaev to'pga kech qoldi. Aks holda… 31-daqiqada Jalil Kimsanovning boshi bilan bergan zarbasi darvoza ustuni yonginasida o'tib ketdi. 34-daqiqada muborakliklar burchak to'pini tepish huquqiga ega bo'lishdi. Avaz Agalievning burchakdan tepgan to'pi to'g'ri Aziz Ashurov qo'riqlayotgan darvozaga kelib tushdi – 0:1. 35-daqiqa Bahodir Akramov ikkinchi sariq kartochkasini olib maydonni tark etdi. Ikkinchi bo'lim boshida bosh hakam jamoamiz ustozi No''mon Hasanovga qizil kartochka ko'rsatdi. 57-daqiqada jarimadan oshirilgan to'pni Andrey Sidorov boshi bilan raqib darvozasiga aniq yo'llab hisobni tenglashtirdi. 70-daqiqada Andrey Sidorov qulay imkoniyatni qo'ldan boy berdi. Bir kishi kam bo'lib qolganiga qaramay, jamoamiz ikkinchi taymda katta tashabbusga ega bo'lishdi. O'yinning asosiy vaqti durang bilan yakunlangach, musobaqa reglamentiga ko'ra, darhol penaltilar seriyasi tepildi. Penaltilar seriyasida esa omad jamoamiz tomonidan bo'ldi. Darvozabonimiz Nikita Ribkin ikki marta penaltini qaytarishga muvaffaq bo'ldi. Shunday qilib jamoamiz og'ir kechgan o'yinda final yo'llanmasini qo'lga kiritdi. “Viloyat Hokimi Kubogi-2017” Yarim final “Qo'qon-1912-1” – “Mash'al-2” – 1:1 (0:1) pen. ser (4:3) Hakamlar: Olim To'ychiboev, Sherzod A'zamov, Javohir Hakimov, Sanjar Rahmonov. Nazoratchi: Anvar O'rinov. Gollar: Andrey Sidorov – 57. – Avaz Agaliev-34. “Qo'qon-1912”: 12. Aziz Ashurov (13. Nikita Ribkin-46), 23. Aleksandr Merzlyakov, 8. Akmal Xolmurodov, 31. Darko Gojkovich, 33. Jalil Kimsanov (22. Murod Xolmuhammedov-46), 15. Oybek Rustamov (75. Ibrohim Rahimov-90), 6. Bahodir Akramov, 10. Javohir Sidiqov (19. Muhammadanas Hasanov-46), 7. Jamshid Hasanov (28. Avaz Mamatxo'jaev-67, 70. Sobir Hamidov-90), 29. Suhrob Berdiev (17. Andrey Sidorov-46), 18. Bahodir Pardaev. “Mash'al-2”: 35. Javohir Ilyasov, 22. Sergey Kondratev, 17. Maksim Lipin (8. Abdullox Olimov-46), 29. Asil Begimqulov, 55. Avaz Agaliev, 6. Sardor Abduraimov (13. Jonibek Mirzaqulov-66), 28. Maradona Safarov (90. Zafar To'raev-79), 9. Xumoyun Murtazoev (7. Zoxir Qo'ziboev-70), 11. Maqsad Muhamedov (19. Jamoliddin O'baydullaev-52), 2. Iskandar Shoyqulov, 27. Bobur Qosimov. Zaxira: 12. Shoxrux Eshbo'taev, 18. Abbos Amonov. Penaltilar seriyasi: Bahodir Pardaev – 1:0. Avaz Agaliev – 1:1 Murod Xolmuhammedov -2:1. Bobur Qosimov – 2:2. Andrey Sidorov – 3:2. Abdullox Olimov – 3:3. Ibrohim Rahimov – 3:3 (darvozabon) Jamoliddin Ubaydullaev 3:3 (darvozabon) Sobir Hamidov – 4:3. Zafar To'raev – 4:3 (darvozabon).
— deya xabar beradi uff.uz nashri.