Mamlakat milliy chempionatining 29-turida Bekobodning “Metallurg” jamoasi 5 noyabr kuni Navoiyda “Qizilqum” jamoasi mehmoni bo'ladi. Mazkur uchrashuvda bekobodliklar bir qator yo'qotishlar bilan maydonga tushishadi. Sariq kartochkalar to'planib qolganligi bois himoya chizig'i vakillari Davron Karimqulov, Javlon Mirabdullaev, tayanch yarim himoyachisi Alisher Ziyovuddinovlar jamoaga yordam bera olishmaydi. So'nggi turlarda murabbiylar ba'zi sabablarga ko'ra himoyachi Aleksandr Kovalev hamda hujumchi Zohid Abdullaevlar ko'magidan ham foydalana olmayotganligini hisobga oladigan bo'lsak, Navoiyda “Metallurg” tarkib borasida jiddiy qiyinchilikka duch keladi. Har tugul Qo'qonda maydondan chetlatilgan Doniyor Odilov “Buxoro”ga qarshi o'yinni o'tkazib yubordi va endi tarkibga qaytadi.
“Qizilqum” – “Metallurg” uchrashuvini toshkentlik Olim Tolibjonov boshqarib boradi. Unga qanotlarda qarshilik Artem Kalinin va poytaxtlik Rishat No''monovlar yordam berishadi. Uchrashuv nazoratchi hakami Artyom Arutyunov.
«Qizilqum» (Navoiy) – «Metallurg» (Bekobod)
Hakamlar:O. Tolibjonov (Toshkent), A. Kalinin (Qarshi), R. No''monov (Toshkent), F. Norsafarov (Qarshi)
Nazoratchi:A. Arutyunov (Toshkent).
O'zPFL vakili:R. Chernikov.
 
— deya xabar beradi uff.uz nashri.