"Barselona" bosh murabbiyi Luis Enrike Ispaniya Kubogi yarim finali javob bahsida Jerar Pike maydonga tusha olishini ma'lum qildi. Ammo Serxio Buskets va Andres Inestaning o'ynay olishi so'roq ostida.
"Inesta va Buskets o'zini yaxshi his qilmoqda va bu biz uchun ajoyib yangilik. Ertaga ular maydonga tushishi mumkin, ammo tusha olmasligi ehtimoli ham katta.
Pikega keladigan bo'lsak, u maydonga tusha oladi, deb o'ylayman. Biz uning holatini kuzatib boramiz", - deydi Enrike.
Eslatib o'tamiz, "Barselona" va "Atletiko" o'rtasidagi uchrashuv ertaga bo'lib o'tadi.
— deya xabar beradi uff.uz nashri.