1news.uz — 2017 yil 4 fevral kuni poytaxtimizdagi “Qushbegi” sport majmuasida Davlat bojxona qo'mitasining “Toshkent-Aero” ixtisoslashtirilgan bojxona kompleksi tomonidan shaxsiy tarkib o'rtasida sog'lom turmush tarzini targ'ib qilish va xodimlarning jismoniy tayyorgarligini yanada mustahkamlash maqsadida tashkil etilgan minifutbol bo'yicha navbatdagi musobaqaning final o'yini va g'oliblarni taqdirlash marosimi bo'lib o'tdi. Turnirda “Toshkent-Aero” IBK Boshqaruv apparati, “Toshkent xalqaro aeroporti”, “Uchish maydoni” chegara-bojxona postlari, “Aviayuklar”, “Tuzel” tashqi iqtisodiy faoliyat bojxona postlari xodimlaridan tarkib topgan 6 ta jamoa o'zaro bellashishdi. Musobaqaning final o'yinida esa o'tgan galgi musobaqa stsenariysi takrorlandi. Hal qiluvchi o'yinda bu gal ham eski raqiblar “Toshkent-Aero” IBK Boshqaruv apparati va “Aviayuklar” bojxona posti jamoalari o'zaro bellashishdi. Hisob: 1-0 Musobaqa ishtirokchilarining yakuniy o'yiniga bo'lgan qiziqishlarini yanada kuchaytirgan muhim omillardan biri hal qiluvchi o'yinga O'zbekiston futbol federatsiyasining xalqaro toifadagi hakami, FIFA referisi, Globe Soccer Awards tanloviga ko'ra 2015 yilda «Yil hakami» nomiga sazovor bo'lgan, Osiyoning 5 karra eng yaxshi hakami, «Buyuk xizmatlari uchun» ordeni sohibi Ravshan Ermatovning hakamlik qilgani bo'ldi. Murosasiz kechgan o'yinlar yakuni bo'yicha turnir jadvalida peshqadamlikni yana “Aviayuklar” TIF bojxona posti jamoasi o'zida saqlab qoldi. Bu gal kutilmaganda 2 o'ringa “Toshkent xalqaro aeroporti” chegara-bojxona posti 1 smenasi vakillari ko'tarilishdi. O'tgan yili 2 o'ringa sazovor bo'lgan “Toshkent-Aero” IBK Boshqaruv apparati jamoasi bu gal 3 o'rin bilan kifoyalandi. Xabarning tafsilotlari bilan 1news.uz saytida ushbu havola orqali tanishishingiz mumkin.
— deya xabar beradi uff.uz nashri.