“Yuventus” klubi chap himoyachisi Aleks Sandro “Chelsi” jamoasi rahbariyatining qiziqishlari doirasiga kirgan. Xabar qilinishicha, londonliklar 26 yoshli braziliyalik futbolchini mavsum oxirida sotib olmoqchilar. Yakshanba kuni “Chelsi” ustozi Antonio Konten shaxsan “Inter”ga (1:0) qarshi kechgan bahsda Sandroni kuzatib borgan. Himoyachi 2015 yili “Portu”dan 26 million evroga “Yuventus”ga o'tgandi. Ayni damda uning transfer qiymati 45 millionni tashkil qiladi. Ushbu mavsumda Sandro Italiya chempionatining 20ta o'yinida ishtirok etib, bitta gol hamda beshta golli uzatmaga mualliflik qilgan.
— deya xabar beradi uff.uz nashri.