1news.uz — Boks bo'yicha XXXI yozgi Olimpiya o'yinlari chempioni, «O'zbekiston iftixori» faxriy unvoni sohibi Hasanboy DO'SMATOV nimalarni orzu qilyapti? — Sportchi borki, jahon va Olimpiya chempioni bo'lsam, deb orzu qiladi, — deydi u. — Ammo bu shunchaki havas bilan amalga oshavermasligini barcha yaxshi biladi. O'tgan yil nafaqat men, balki mamlakatimizning ko'plab sportchilari uchun juda omadli va g'alabalarga boy bo'ldi. Bu esa, avvalo, mamlakatimizda biz, sportchilarni qo'llab-quvvatlash, qulay shart-sharoitlar yaratib berilayotganining samarasi, deb bilaman. — O'tgan yili Rio-de-Janeyro olimpiadasi oltin medalini qo'lga kiritish bilan birgalikda ko'plab nufuzli sov­rinlarga ham sazovor bo'ldingiz… — Rio-de-Janeyro olimpiadasi finalida kolumbiyalik Yuberxen Martines Rivasni engib, terma jamoamizga ilk oltin medalni olib berdim. Yurtimizga qaytgach, «O'zbekiston iftixori» faxriy unvoni bilan taqdirlandim. Noyabr oyining oxirgi kunlarida «Oltin Mangust» xalqaro sovriniga munosib ko'rildim. 20 dekabr kuni Shveytsariyaning Lozanna shahrida Xalqaro boks uyushmasi (AIBA)ning «Yilning eng yaxshi bokschisi»ga atalgan maxsus sovrini bilan taqdirlandim. Kuni kecha esa Madaniyat va sport ishlari vazirligi tomonidan «Yilning eng yaxshi sportchisi» nominatsiyasi bo'yicha g'olib, deb topildim. To'g'risi, bu sovrinni kutmagandim. Chunki yurtimizda bunday e'tirofga munosib sportchilar juda ko'p edi. Intervyuning davomi bilan 1news.uz saytida ushbu havola orqali tanishishingiz mumkin.
— deya xabar beradi uff.uz nashri.