Xitoyning “Xebey Chayna Forchun” jamoasi Turinning “Yuventus” klubi rahbariyati bilan yarim himoyachi Ernanesning transferi borasida kelishuvga erishdi.
Bugun 31 yoshli braziliyalik futbolchi Chin o'lkasiga tibbiy ko'rikdan o'tish uchun etib keladi va shundan so'ng yangi klubi bilan shartnoma imzolaydi.
Ma'lum bo'lishicha, futbolchi “Xebey” bilan 3 yillik shartnoma imzolaydi. Uning yillik maoshi 7 mln evroni tashkil qiladi. Bu “Yuventus”dagidan ikki baravar ko'p degani.
Transfer narxi 8 mln evro etib belgilangan, shuningdek, 2 mln bonus ham bor.
— deya xabar beradi uff.uz nashri.