Osiyo chempionlar ligasi pley-off bosqichida O'zbekiston terma jamoasi yarim himoyachisi Odil Ahmedov to'p surayotgan “Shanxay SIPG” jamoasi Tailandning “Sukxotai” klubiga qarshi bahs olib bordi. Mazkur uchrashuvda shanxayliklar 3:0 hisobida zafar quchdi. Gollarga Oskar va Elkeson mualliflik qildi. Yana bitta golni Tupxunod o'z darvozasiga yo'lladi. Qayd etish kerakki, “Shanxay SIPG”ning birinchi goliga Odil Ahmedov hammualliflik qildi. “Shanxay SIPG” OChL guruh bo'sqichining “F” guruhida ishtirok etadigan bo'ldi. Ushbu guruhda “Seul” (J.Koreya), “Urava Red Daymonds” (Yaponiya) va “Vestern Sidney Uonders” (Avstraliya) jamoalari bor. “Shanxay SIPG” – “Sukxotai” 3:0
Gollar: Oskar 34, Elkeson 41, Tupxunod 58 (avtogol)
— deya xabar beradi uff.uz nashri.