Germaniyaning “Bavariya” jamoasi sardori, himoyachi Filipp Lam faoliyatini yakunlashga qaror qildi. Bu haqda futbolchi intervyulardan birida aytdi Lam futbolchilik faoliyatini joriy mavsum yakunida yakunlamoqchi.  “Bavariya” 33 yoshli futbolchiga klub sport direktori bo'lishni taklif qildi, biroq Lam bu taklifni rad etdi. “Klub rahbariyatiga faoliyatimni yakunlashim haqida aytdim. Mavsum yakuniga qadar o'ynay olaman, keyin esa bor kuchim bilan harakat qila olmayman. Shuning uchun, “Bavariya”ga noqulaylik tug'dirmaslik uchun futboldan ketishga qaror qildim. Myunxenliklar sport direktori bo'lib ishlash borasida ham rahbariyat bilan suhbatlashdim. Hozircha men buni eplay olmayman”, – dedi Lam. Ma'lumot o'rnida, Filipp Lamning klub bilan amaldagi shartnomasi 2018 yilning yozigacha mo'ljallangan edi. Germaniyalik futbolchi 2002 yildan buyon “Bavariya” sharafini himoya qilib qelmoqda. 
— deya xabar beradi uff.uz nashri.