Donetskning "Shaxter" klubi sardori Dario Srna vatandoshi Luka Modrichni dunyoning eng yaxshi yarim himoyachisi, deb bilishini ta'kidladi. Uning aytishicha, 31 yoshli Modrich hozir faoliyatining eng gullagan davrini o'tkazmoqda.
"Biz Modrich bilan maydon tashqarisida ham do'stmiz va ishonchim komilki, u ayni vaqtda faoliyatining eng gullagan davrini o'tkazmoqda.
Ayni vaqtda u dunyoning eng yaxshi yarim himoyachisi bo'lib turibdi va bunga aslo shubha qilmayman. Ha, "Real"da kuchli futbolchilar ko'p, ammo Modrich bo'lmasa jamoada muammolar paydo bo'lgan bo'lardi", - deydi Srna.
Eslatib o'tamiz, Luka Modrich 2012 yildan buyon "Real" sharafini himoya qilib kelmoqda. 34 yoshli Srna esa 2003 yildan buyon "Shaxter" safida to'p suradi. U 2016 yilda Xorvatiya terma jamoasidagi faoliyatini yakunlagan edi.
— deya xabar beradi uff.uz nashri.