"Barselona" yarim himoyachisi Ivan Rakitich "Atletiko" bosh murabbiyi Diego Simeone Ispaniya Kubogi yarim finalida kechgan bahsda hakamlar tomonidan yo'l qo'yilgan xatolardan madridliklar aziyat chekkani haqidagi gapiga javob berdi.
"Men Simeoneni tushunmadim va yana tushunmadim. Katta bosim ostida bo'lish hakamlarga yordam bermaydi. Chunki hammasi juda tez ro'y beradi.
Men Serxi Roberto va Luis Suares chetlatish tufayli finalda bizga yordam bera olmasligidan afsusdaman. Ammo bo'lar ish bo'lib o'tdi va men faqat "Barselona" finalga chiqqani haqida o'ylashni ma'qul ko'raman", - deydi Rakitich.
Eslatib o'tamiz, Diego Simeone "Barselona"ga qarshi kechgan o'yindan so'ng Ispaniya chempionati va Kubogidan ko'ra Evropa Chempionlar ligasida g'alaba qozonish osonroqligi haqida aytgan edi.

— deya xabar beradi uff.uz nashri.