O'zbekiston chempionatida 15 yildan buyon chempionlikni poytaxt jamoalari qo'lga kiritib kelishmoqda. Evropada shunday mamlakat chempionatlari borki, ularda poytaxt klublari bir necha yillardan buyon chempion bo'la olishmayapti. Biz ana shunday chempionsiz poytaxtlar reytingini e'tiboringizga xavola etamiz.

7. Sloveniya - 21 yildan buyon
Poytaxtdan chiqqan so'nggi chempion: “Olimpiya” (Lyublyana) – 1994/95
1992 yildan buyon o'tkazilib kelinayotgan Sloveniya chempionatida poytaxtning “Olimpiya” jamoasi qatorasiga to'rt marta chempionlikni tantana qildi. Biroq shundan keyin poytaxt jamoasi chempionlik ta'mini totib ko'rgani yo'q. Oxirgi 5 mavsumda “Maribor” chempion bo'lib kelmoqda. Umumiy hisobda Mariborliklar 12 marta chempion bo'lishgan. “Olimpiya” esa so'nggi 2 yilda medallarsiz qolib ketmoqda.

6. Lyuksemburg - 22 yildan buyon
Poytaxtdan chiqqan so'nggi chempion: “Avenir” (Lyuksemburg) – 1993/94
Evropadagi ushbu mitti mamlakatda 1910-yildan buyon mamlakat chempionati o'tkazilib kelinadi. Bu davlatda poytaxtliklarning hukmronligi tugaganiga 20 yildan oshdi. “Avenir” poytaxtdan chiqqan so'nggi chempion jamoadir. So'nggi yillarda “Jeness”, “Dyudelanj” va “Fola” jamoalari Lyuksemburg chempionligini qo'lga kiritib kelishmoqda.

5. Uels - 24 yildan buyon
Poytaxtdan chiqqan so'nggi chempion: yo'q
Uels chempionati 1992 yildan buyon o'tkazilib kelinayotgan bo'lsa ham, shu paytgacha poytaxtning birorta jamoasi chempionlikni qo'lga kiritmagan. “Suonsi” APLning muntazam ishtirokchisiga aylangan bo'lsa, “Kardiff” Chempionshipda “sayr qilib” yuribdi. Yaqin orada Kardiffdan chempion chiqishi qiyin. “Nyu-Seynts” 4 yildan buyon Uels chempionligini begona qilmay kelmoqda. Davomi Furqat Yusupov blogida.
— deya xabar beradi uff.uz nashri.