O'zbekistonlik FIFA referisi Ravshan Ermatov Xalqaro futbol federatsiyasi (FIFA) qaroriga ko'ra, 2018 yili Rossiyada bo'lib o'tadigan jahon chempionatida ishlashi mumkin bo'lgan nomzod hakamlar seminariga taklif etildi. Shu yilning 3–7 aprel kunlari Italiyaning Florentsiya shahridagi Koverchano tayyorlov markazida bo'lib o'tadigan seminarga Evropa, Okeaniya, Osiyo, Afrika, Janubiy, Shimoliy va Markaziy Amerika hamda Karib havzasi mintaqasidan jami 53 nafar hakam taklif etilgan. Osiyodan Ravshan Ermatov, Ryuiji Sato (Yaponiya), Alirizo Fag'oniy (Eron), Evropadan Mark Klattenburg (Angliya), Feliks Brix (Germaniya), Juneyt Chaqir (Turkiya), Sergey Karasyov (Rossiya) kabi taniqlik hakamlar mazkur seminarda ishtirok etadi.    Ma'lumot uchun, Ravshan Ermatov JCh–2010 va JCh–2014 turnirdarida jami 9 ta uchrashuvni boshqarib, bu ko'rsatkich bo'yicha jahon rekordchisi sanaladi.
— deya xabar beradi uff.uz nashri.