Oldinroq Evropa milliy chempionatlarida eng ko'p chempionlikni qo'lga kiritgan jamoalar haqida ma'lumot berib o'tgan edi. Bu safar esa Evropadagi milliy kubok sohiblari bo'lgan jamoalar TOP-10 taligini sizning hukmingizga havola qilamiz.
10. «Levski» (Bolgariya) – 25 ta kubok
Sofiyaning «Levski» klubi Bolgariya kubogini 25 marta qo'lga kiritgan. Poytaxtliklar kubok bahslarida ilk bor 1942 yilda, oxirgi marotaba esa 2007-yilda muvaffaqiyat qozonishgan. Bolgariyada so'nggi paytlarda kubokni Sofiyaning boshqa bir jamoasi «TsSKA» qo'lga kiritmoqda.
8-9. «XB Torsxarn» (Farer orollari) – 26 ta kubok
Farer orollari mamlakatining grand jamoasi «XB Torsxarn» 26 karra mamlakat kubogini qo'lga kiritgan. Ushbu jamoa kubokda birinchi marta 1955 yilda, so'nggi bora esa 2004 yilda g'oliblikni tantana qilgan.
8-9. «Olimpiakos» (Gretsiya) – 26 ta kubok
Gretsiya gegemoni «Olimpiakos» hisobida ham o'z mamlakatining 26 ta milliy kubogi mavjud. Pireyliklar ikkinchi jahon urushidan so'ng, 1947 yilda ilk bora, 2013 yilda esa oxirgi marta kubokda zafar quchishgan.
7. «Austriya» (Avstriya) – 27 ta kubok
Avstriyaning «Austriya» klubi o'z mamlakatida 27 marotaba milliy kubok g'olibi bo'lgan. Jamoa 1921 yilda dastlabki, 2007 yilda esa eng oxirgi kubogiga sazovor bo'ldi. «Austriya»liklar 2005-2007 yillarda ketma-ket 3 mavsum gegemonlik qilishgan.
5-6. «Barselona» (Ispaniya) – 28 ta kubok
Ispaniya kubogini qo'lga kiritish borasida mutloq rekordchi bo'lib turgan «Barselona» hisobida 26 ta kubok mavjud. Kataloniyaliklar 1910 yilda ilk bora, 2012 yilda esa oxirgi marotaba Ispaniya kubogida g'oliblik nashidasini surishgan.
5-6. «Benfika» (Portugaliya) – 28 ta kubok
Portugaliyada kubokni eng ko'p qo'lga kiritgan jamoa bu «Benfika»dir. «Burgutlar» 1930 yildan buyon 28 marotaba kubok shoxsupasiga ko'tarilishgan. Jamoa ikki marotaba kubokda «xet-trik» qayd etgan. Ya'ni 1951-1953 va 1985-1987 yillarda g'oliblikni begona qilishmagan.
4. «Reynjers» (Shotlandiya) – 33 ta kubok
Chempionlikni qo'lga kiritish borasida Evropaning mutloq rekordchisi, kubokda zafar quchish borasida 4-o'rinni egallab turibdi. «Reynjers» hisobida 33 ta kubok mavjud. Glazgoliklar 4 marotaba ketma-ket 3 martadan kubokda zafar quchishgan. Afsuski mana shunday klub bugungi kunga kelib, inqiroz tufayli yo'qolib ketdi.
3. «Seltik» (Shotlandiya) – 36 ta kubok
«Seltik» 36 karra Shotlandiya kubogi sohibidir. «Keltlar» 1892-2013 yillar oralig'ida shuncha sovrinni qo'lga kiritishgan. «Seltik»ning «oltin davri» 1977-1982 yillarga to'g'ri keladi. O'shanda jamoa qatorasiga 5 marotaba g'oliblik nashidasini surgan.
Davomi Furqat Yusupov blogida.
— deya xabar beradi uff.uz nashri.