Bundan biroz vaqt oldin “Oq-tepa” o'yingohida bo'lib o'tgan “Navbahor” va “So'g'diyona” jamoalari o'rtasidagi nazorat uchrashuvi yakuniga etdi. O'yinda jamoamiz 2:0 hisobidagi g'alabani qo'lga kiritdi. Gollarga serbiyalik legionerimiz Nemanya Yovanovich mualliflik qildi. Birinchi bo'limda Yovanovich Mansur Saidovning uzatib bergan to'pini darvozaga joylab qo'ygan bo'lsa tanaffusdan keyin Nemanyaga Oybek Qilichev gol urish imkoniyatini yaratib berdi. Jamoamiz bahsni yirik hisobda kun topishini ta'minlashlari mumkin edi. Biroq, ayrim vaziyatlarda futbolchilarimizga aniqlik etishmadi. Uchrashuvda “So'g'diyona” tarkibida faoliyati davomida “Navbahor”da to'p surgan Alisher Mahmudov va Omon-Biik Halilovlarni maydonga tushganligini o'am qo'shimcha qilish joiz. Jamoamiz uchrashuvni quyidagi tarkibda o'tkazdi: Asilbek Amonov, Alisher Samatov, Hasanboy Ergashev, Jahongir Mehmonov, Tohir Shamsitdinov, Mirzohid G'ofurov, Oybek Qilichev, A'zam Aliev, Dilshod Jabborov, Mansur Saidov, Nemanya Yovanovich. Zaxiradan maydonga tushganlar: Nodir Ashurmatov, Abbos Otaxonov, Ravshan Xursanov, Azizbek Turg'unboev, Abduaziz Sultanov, Ilhom Boydedaev Alisher Mirzaev, Timur Tolipov, Ilhom Aliboev. Jamoamiz Toshkent yig'inidagi navbatdagi uchrashuvni 12 fevral kuni Samarqandning “Dinamo” klubiga qarshi o'tkazadi.
— deya xabar beradi uff.uz nashri.