EChL va uzoq kutilgan Evro-2016 toji Ronalduni cho'qqilar cho'qqisiga olib chiqdi. Ammo to'rtinchi “Oltin to'p” zamonamizning tengsiz futbolchisi uchun so'nggisi bo'lishi ham mumkin. Portugaliyalik vinger futbolni yanda gullatadi, biroq uni shouga aylantirishi ehtimoli yuqori emas. Yuksak martaba va cho'qqiga chiqish uchun Ronaldu butun faoliyati davomida tinimsiz mehnat qildi va ter to'kdi. Futbolchi yoshligidan ulkan iqtidor egasi edi va g'alabaga bo'lgan intilishi bilan o'zgalar orasida ajralib turardi. Agarda Messi mavjud bo'lmaganda, Ronaldu allaqachon “Futbol otasi”, nomini o'zlashtirib olgan bo'lardi va balki “Oltin To'p”ni ketma-ket yutib olish bo'yicha ham takrorlanmas rekord sohibiga aylanishi ham mumkin edi. Jarima zarbalari ustida o'tkazilgan 1000 soat mashg'ulot, tinimsiz yakka holdagi mashg'ulotlarni e'tiborga oladigan bo'lsak, Ronaldu zamonamizning eng professional futbolchisi, ekanligini e'tirof etishimiz mumkin. Qisqasi, u mukammal gol muhrlaydigan tirik mashinadir. Samaradorlik ketidan quvgan Ronaldu futbol – bu san'at va hamda o'yinligini unutib bormoqda. Qachon Krishtianuni so'nggi bora qanotdan markazga sehrgar sifatida o'tib, qahshatqich zarba berganini ko'rdingiz? Yoki raqib futbolchilarini sezmasdan ortida qoldirib ketib, betakror driblingni amalga oshirganinichi? Futbolda eng muhimi tablodagi hisob. Gol ham zarbasiz kiritilmaydi. 32 yoshga kirib, Ronalduda qolgan eng muhim jihat ham aynan uning hayratlanarli zarbasi. Agarda portugaliyalik futbolchining so'nggi 5 yillik statistikasiga nazar solsak, Krishtianuning o'yin uslubi qanday darajada o'zgarganligi e'tiborni chulg'aydi. Krishtianu asta-sekin passivlashib borayapti. Kombinatsion futbolda Ronalduni anchadan buyon ko'rmadik. O'yinni o'z tomoniga og'dirib olish bo'yicha ham futbolchida keskin pasayish kuzatilyapti. To'p  uchun kurashlarda ham u  o'zining atletizmiga qaramasdan avvalgidaka faol emas. Davomi Penalti.uz da
— deya xabar beradi uff.uz nashri.