Ispaniya Kubogi finali muntazam ravishda bitta stadionda o'tkaziladigan bo'lishi mumkin.
Bu borada Madridning "Atletiko" klubi qiziqish bildirgan. Madridliklar Ispaniya Qirollik futbol federatsiyasi bilan muzokara olib bormoqda va yangi stadion "Vanda Metropolitano"da barcha finallar o'tkazilishiga erishmoqchi. Eslatib o'tamiz, yangi stadion yozda foydalanishga topshirilishi lozim.
Bu kelishuvdan har ikki tomon ham birdek manfaatdor. "Atletiko" moliyaviy jihatdan foyda olishni ko'zlamoqda, Ispaniya Qirollik futbol federatsiyasi esa har yili Kubok finali uchun stadion qidirish tashvishidan forig' bo'lmoqchi.
— deya xabar beradi uff.uz nashri.