Sovringa boy faoliyat startidan so'ng, Boyan Krkich kulgili mablag' evaziga “Stok Siti”ga transfer qilindi va endi esa, mavsum so'nggigacha “Maynts”ga ko'chib o'tdi. Mo'jizaviy erta faoliyatni boshidan kechirib, keyinchalik “daxshatli sho'ng'ish”ga yo'liqqan futbolchi haqida so'z yuritamiz. O'smirlik paytida Boyan Krkich o'z iqtidori va mahorati bilan kataloniyaliklarni shunday hayratlandirki, Ispan futbolida buyuk Messi o'rinbosari kashf qilindi, degan mish-mishlar “Barselona” muxlislari orasida keng tarqaldi. Ispaniya terma jamoasi boshqa terma jamoalarga Boyanni tortib olishga hech qanday imkoniyat qoldirmaslik uchun uning termadagi o'rnini naqd qilib qo'ydi. Endi esa, Krkich FIFA dan o'zini Serbiya terma jamoasida o'ynashga ruxsat berishini so'ramoqda. Sovrinlar borasida xotiradan o'zga o'y qolmadi. 10 yil ichida 5 bora jamoasini o'zgartirgan futbolchi endilikda faoliyatini qaytadan qurish uchun Bundesliga sari ildamlamoqda. “Boyanni jahonning eng kuchli futbolchisi qilmagunimcha, to'xtamayman”, – deya Xosep Gvardiola 2011 yilda aytib o'tgan edi. Pep Boyandagi ulkan mahoratni ko'rib, Kataloniyadagi Messi erasini yana 10 yilga cho'zdirmoqchi bo'ldi. Afsuski, aql bovar qilmas orzular ko'p hollardagidek zoe ketdi. Boyan 17 yoshu 19 kunligida “Barselona” safida debyut qildi va jamoa tarixidagi eng yosh futbolchi bo'ldi va boz ustiga, Messi rekordini yangiladi. Ushbu davrgacha Boyan “Barselona” akademiyasida hukmronlik o'rnatgan edi. Krkich “Barselona” futboliga ko'nikib keta olmadi va uning asosiy muammosi – bu konservatizm edi. U “ko'k-anor-ranglilar”ning rangli futboli, doimiy pozitsiya almashinuvi, maydon bo'ylab universal harakat va boshqa omillar oldida ojizlik qildi. Krkich o'zini faqat to'laqonli hujumchi, sifatida ko'rdi va hattoki qanot ham u uchun noqulay pozitsidagidek edi. Krkichning omadsiz o'yinlaridan biri “Barselona” – “Betis” o'yini edi. Muxlislar va ekspertlar jamoada ulkan pasayishning sababini Boyanga qaratilayotgan ortiqcha ishonchda, deya e'tirof etishdi. Davomi Penalti.uz da
— deya xabar beradi uff.uz nashri.