Mavsumga tayyorgarlikni Namanganda olib borayotgan yoshlarimiz 15-24 fevral kunlari Andijon shahrida bo'lib o'tadigan “Andijon viloyati hokimi kubogi-2017” musobaqasida ishtirok etishadi. Bugun ushbu turnir o'yinlar taqvimi tasdiqlandi. Musobaqada vodiyning sakkiz jamoasi ikki guruhga bo'lingan holda bahslarga kirishadi. Yosh “navbahorchilar” “A” guruhida Farg'onaning “Neftchi”, Andijonning “O'zDongJu” va “O'zTongXongKo” jamoalari bilan kuch sinashishadi. Dastlabki uchrashuv 15 fevral kuni “Neftchi” jamoasiga qarshi bo'lib o'tadi. “V” guruhidan esa “Andijon”, Farg'onaning “Istiqlol”, Uychining “Xotira-79” va Haqqulobodning “Norin” jamoalari joy olishdi. Guruh uchrashuvlari 20 fevral kuni yakunlanadi. Guruhlarda dastlabki ikki o'rinni egallagan jamoalar yarim final yo'llanmasini qo'lga kiritishadi. Yarim final o'yinlari 22 fevral sanasiga belgilangan bo'lsa hal qiluvchi final bahsi 24 fevralda o'tkaziladi. Turnirdan o'rin olgan barcha uchrashuvlar Andijon shahridagi ixtisoslashtirilgan futbol maktab-internatining sun'iy qoplamali maydonida o'tkaziladi. Musobaqa taqvimi
“A” guruh
1-tur, 15 fevral
“O'zDongJu” – “O'zTongXongKo”
“Neftchi” – “Navbahor”
2-tur, 17 fevral
“O'zDongJu” – “Neftchi”
“O'zTongXongKo” – “Navbahor”
3-tur, 19 fevral
“Navbahor” - “O'zDongJu”
“Neftchi” - “O'zTongXongKo” “V” guruh
1-tur, 16 fevral
“Andijon” – “Xotira-79”
“Istiqlol” – “Norin”
2-tur, 18 fevral
“Andijon” – “Istiqlol”
“Xotira-79” – “Norin”
3-tur, 20 fevral
“Norin” – “Andijon”
“Istiqlol” – “Xotira-79” Yarim final
22 fevral
“A-1” – “V-2”
“V-1” – “A-2” Final
24 fevral
— deya xabar beradi uff.uz nashri.