Bir qarashda, futbolchining ayoli bo'lish - havasga arzigudek: katta maosh, to'kin-sochin hayot, ketma-ket sayohatlar... Ammo inson fe'li shundayki, biz o'zimiz yaxshi tanimaydigan odamlar hayotiga faqat bir tomonlama qaraymiz, xolos. Aslida professional futbolchi bilan oila qurgan ayollarga oson tutmaslik kerak. Zero, ularning hayotida ham o'ziga yarasha, tashvishlar, qiyinchiliklar va kamchiliklar uchrab turadi. Sports.uz muxbiri Zemfira Yablokova va terma jamoamiz hamda «Chanchun Yatay» (Xitoy) klubi a'zosi - Anzur Ismoilovning rafiqasi Soukaina Ismoilova o'rtasidagi suhbatni o'qib, bunga o'zingiz ham ishonch hosil qilishingiz mumkin. — Soukaina, ko'pchilik siz haqingizda bir narsa, ya'ni O'zbekiston milliy jamoasi himoyachisi Anzur Ismoilovning turmush o'rtog'i ekanligingizni biladi, xolos. Avvalo, siz bilan yaqinroq tanishishni istardik... — O'zim haqimda nimalarni gapirishim mumkin?! Yuqorida aytdingiz, ismim -  Soukaina. Marokashda tug'ilganman. Anzur bilan tanishgunimga qadar Xitoyning Hainan Airlines aviakompaniyasida styuardessa bo'lib ishlardim. — Qiziq, tanishuv qanday ro'y berdi? — Bu 2011 yilgi voqea. O'shanda Chanchundan Pekinga uchgan reysda xizmat qilgandim. Anzur esa yo'lovchilar orasida bo'lgan. U kutilmaganda, muloyim ohangda telefon raqamimni so'rab qoldi. Tabiiyki, avvaliga uning iltimosini rad etdim. Axir duch kelgan odamga telefon raqamimni berib ketavermayman-ku, to'g'rimi?! Biroq oradan 2 oy o'tgach, taqdir taqozosi bilan yana samolyotda uchrashib qoldik. Anzur bu gal jamoasi bilan safarga yo'l olgan ekan. Xullas, u yana o'sha iltimosini takrorladi, men esa qayta rad javobini berdim. Anzur shunda agar uning xohishini bajarmasam, samolyotni boshiga ko'tarib, qichqirishini aytdi. Ochig'i, vajohatidan so'ng raqamlarni aytishdan boshqa choram qolmadi... O'sha kuni kechga yaqin menga qo'ng'iroq qildi va shu tariqa o'rtamizda muhabbat tarixi boshlandi. — U bilan uchrashganingizda, kimligini sezganmidingiz? — Yo'q, birinchi uchrashuv chog'i Anzur men uchun odatiy bir yo'lovchi edi. Chunki o'sha vaqt o'zbek futboli bilan tanish emasdim. Lekin keyingi safar qarshimda futbolchi turganini sezdim, harqalay. Zero, u jamoa­si bilan birga edi. — Umuman, Anzur bilan tanishguningizga qadar ham futbolga qiziqarmidingiz? — Ha, albatta. To'g'rirog'i, oilamizda hamma futbol o'yinini yaxshi ko'rardi. Yodimda, yoshligimdan muhim o'yinlarni oila davrasida berilib, tomosha qilardik. — Qachon turmush qurdinglar? To'y marosimi qaerda o'tdi? — 2013 yilning 23 noyabrida nikohdan o'tdik. To'y tantanalari Toshkentda bo'ldi. Bungacha esa vatanim - Marokashda, oila davrasida ham kichikroq  bazm uyushtirgandik. — Aksariyat futbolchilar rafiqalari turmush o'rtoqlarining uzoq muddat yonlarida bo'lmasliklaridan, uzluksiz safarlardan nolishadi. Bu masalaga qanday qaraysiz? Davomi: www.interfutbol.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.