Avval xabar berilganidek, “Olmaliq” jamoasi bugun yana bir nazorat o'yinida maydonga tushdi. Bu gal jamoaga Ruminiyaning "Yuventus" jamoasi raqiblik qildi. Qiziqarli kechgan bahsda omad buxarestliklarga kulib boqdi. Uchrashuv davomida olmaliqliklar faol o'yin namoyish etishga harakat qildi. Afsuski, raqib tomonidan ikkinchi taymda amalga oshirilgan ikki standart vaziyat gol bilan yakun topdi. O'yinda kichik jarohati sabab Kamoliddin Murzoev, Shohnazar Norbekov va Murod Rajabov ishtirok etmadi. Bu uchrashuvda jamoamiz tarkibida ko'rikka qo'shilgan qozog'istonlik himoyachi Kirill Pasichnik ham maydonga tushdi. O'rtoqlik uchrashuvi Topkape futbol majmuasi. 11 fevral “Olmaliq” – “Yuventus” (Buxarest, Ruminiya) 0:2 Gollar: Chipirliu 58, Barbulesku 79. "Olmaliq": Akbar To'raev, Xurshid Muxtorov, Azizbek Suyunov, Kirill Pasichnik, Abduqahhor Hojiakbarov, Doniyor Usmonov, Shota Grigalashvili, Muhammad Isaev, G'ulom-Haydar G'ulomov, Alibobo Rahmatullaev, Viktor Klishin. Zaxiradan maydonga tushganlar: Xurshid Xodjaev, Islom Inomov, Shavkat Mullajonov, Vladislav Kasminin, Rahmatillo Berdimurodov, Igor Yelich, Dilshod Jo'raev, Zabihillo O'rinboev. "Yuventus": Stoian, Valatse, Beta, Bejenaru, Kazan, Ilin, Mixaesku, Shtefan, Xurdubey, Maresh, Muska. Zaxiradan maydonga tushganlar: Chipirliu, Barbalesku, Dima, Morariu, Karabela, Florea, Bustea, Kalentaru, Vasile, Zaharia.
— deya xabar beradi uff.uz nashri.