Angliya chempionatining 25-turidan o'rin olgan "Liverul" – "Tottenxem" uchrashuvi o'z nihoyasiga etdi. Unda 2:0 hisobi qayd etilib, mersisaydliklarning g'alabasi bilan yakunlandi. O'yinning ilk daqiqalaridanoq “Liverpul“ tashabbusni o'z qo'liga olib, raqibga jiddiy bosim o'tkaza boshladi. Klopp shogirdlari maydonning har bir qismida jiddiy kurash olib borib, raqibni to'p yo'qotishga majbur etishga harakat qildilar. Mana shunday yo'qotishlardan biridan so'ng “Liverpul“ o'zining tezkor qarshi hujumini uyushtirib, Veynaldum Sado Manega to'pni birga-bir vaziyatga tashlab berdi va senegallik hujumchi ishonchli tarzda Lorisni dog'da qoldirdi – 1:0. Oradan ikki daqiqa o'tar-o'tmas Sado Mane raqib himoyachisi Dayerdan to'pni olib qo'yib, tezkor qarshi hujumni yana o'zi gol bilan yakunladi – 2:0. Shundan so'ng ham Maneda bir qator qulay vaziyatlar bo'ldi. “Tottenxem“ tanaffusga qadar deyarli hamma vaqt bosim ostida bo'ldi. Ikkinchi bo'limda ham “Liverpul“ futbolchilari shashtni tushirmay, Lorisni ish bilan ta'minlab turishga harakat qildilar. Mehmonlarning hujumlari esa har safar maydon markazida kuchli pressing duch kelib to'xtadi. Final hushtagiga qadar Klopp jamoasi o'yin tizig'ini o'z nazoratida ushladi va o'zi uchun qulay natijani saqlab qoldi. Shu tariqa, “Liverpul” o'zida “Tottenxem”ni ishonchli tarzda mag'lub etib, g'alabasiz seriyasiga nihoyat chek qo'ydi. Angliya chempionati
5-tur Liverpul – Tottenxem 2:0 (2:0, 0:0)
Gollar: 1:0 – 16 Mane, 2:0 – 18 Mane.
Liverpul – Minole, Milner, Matip, Klayn, Koutino (Jan, 77), Lallana, Firmino, Veynaldum, Mane (Aleksander-Arnold, 90), Leyva (Klavan, 82), Xenderson.
Tottenxem – Loris, Alderveyreld, Devis, Uoker, Eriksen (Uinks, 68), Vanyama, Dembele (Sissoko, 77), Dayer, Alli, Son Xin Min (Yanssen, 82), Keyn.
Ogohlantirishlar: Son Xin Min (28), Xenderson (53), Matip (56), Keyn (67), Milner (68), Uinks (71), Dayer (78), Alderveyreld (83).
— deya xabar beradi uff.uz nashri.