Madridning "Real" klubi bosh murabbiyi Zinedin Zidan "Osasuna"ga qarshi kechgan o'yin (3:1) haqida fikr bildirdi.
"G'alaba qozonganimiz juda yaxshi bo'ldi, chunki Pamplonda gol urish har doim qiyin bo'lgan. Maydon egalari bizga katta tashvish keltirdi va musobaqa jadvali bilan maydondagi farq katta ekanini ko'rsatib berishdi. Biz ancha qiyinchilikka duch keldik.
O'yin yakuniga etishiga o'n minut qolganda bitta gol farqi bilan oldinda borish - qaltis vaziyat. Ba'zan g'alabani saqlab qolish uchun diqqatni jamlay olmay qolasiz.
Danilo jarohat olgani bois uch himoyachi bilan o'ynashga to'g'ri keldi. Ammo boshqa tomondan o'yin barqaror kechdi. Biz 15 kun o'ynamadik va endi har uch kunda maydonga tushishga to'g'ri keladi. Yaxshilab dam olib, chorshanba kungi o'yinga tayyorlanish lozim", - deydi Zidan.
— deya xabar beradi uff.uz nashri.