Madridning «Real» klubi bosh murabbiyi Zinedin Zidan «Osasuna»ga qarshi kechgan o'yindan so'ng yarim himoyachi Xames Rodriges haqida iliq fikr bildirdi.

- Xames juda yaxshi o'ynadi. «Osasuna»dek raqibga qarshi kechadigan og'ir o'yinda zaxiradan maydonga tushib, o'zingni ko'rsatishing oson emas.

U xotirjam qolmoqda va jamoaga yordam bermoqda. Rodriges «Real»ning asosiy futbolchilaridan, - deydi Zidan.

Eslatib o'tamiz, Xames Rodriges «Real»da etarlicha o'yin amaliyotiga ega bo'lmayotgani bois jamoadan ketishga qaror qilgani aytilgan edi. Yarim himoyachi joriy mavsum Ispaniya chempionatida 10 ta o'yinda maydonga tushdi va shundan 4 tasini asosiy tarkibda boshlab, 1 ta gol kiritdi.
— deya xabar beradi uff.uz nashri.